Andre Silva ជាអ្នកបន្តវេនរបស់ Cristiano Ronaldo?
"អ្នកបន្តវេនរបស់ Cristiano Ronaldo"ខ្សែប្រយុទ្ធ Andre Silva កំពុងឡើងទម្រង់លេងខ្លាំងក្នុងរដូវកាលនេះ។
មូលហេតុដែលសារព័ត៌មានល្បីៗជាច្រើន ដាក់រហស្សនាមបែបនេះឲ្យ Silva ព្រោះវាទាក់ទិននឹងបទសម្ភាសន៍មួយរបស់ Cristiano Ronaldo កាលពីឆ្នាំ ២០១៧។ អតីតកីឡាករ Real Madridបាននិយាយថា Silva នឹងក្លាយជាអ្នកជំនួសខ្លួនក្នុងក្រុមជម្រើសជាតិព័រទុយហ្គាល់ នៅពេលខ្លួនចូលនិវត្តន៍ទៅ។ ក្នុងពេលនោះ Ronaldo បាននិយាយ៖ "នៅពេលខ្ញុំចូលនិវត្តន៍ទៅ អនាគតរបស់ក្រុមជម្រើសជាតិព័រទុយហ្គាល់គឺនឹងមានភាពល្អហើយ ព្រោះនៅពេលនេះ ក្រុមមានខ្សែប្រយុទ្ធ Andre Silva ចូលរួមរួចទៅហើយ"។
នៅពេលដែល Ronaldo និយាយនោះ Silva កំពុងបង្ហាញទម្រង់លេងយ៉ាងល្អឲ្យ Porto។ ក្នុងរដូវកាល ២០១៦/១៧ កីឡាករបានស៊ុតចូល ២១ គ្រាប់ ក្នុងការបង្ហាញខ្លួន ៤៤ លើកឲ្យក្លឹបព័រទុយហ្គាល់។
កីឡាករ Silva ក៏បានផ្ទេរទៅចូលរួមជាមួយ AC Milan នៅរដូវកាល ២០១៧/១៨។ ទោះជាយ៉ាងណា នៅអ៊ីតាលី ខ្សែប្រយុទ្ធហាក់បង្ហាញទម្រង់មិនសូវល្អ។ កីឡាករស៊ុតចូលតែ ១០ គ្រាប់ប៉ុណ្ណោះ ក្នុងការបង្ហាញខ្លួនដល់ទៅ ៤០ លើក។
Silva ត្រូវបាន AC Milan បញ្ជូនឲ្យទៅលេងក្នុងនាមជាកីឡាករខ្ចីជើងឲ្យ Sevilla ក្នុងរដូវកាលនេះ ហើយកំពុងមានទម្រង់លេងបានយ៉ាងល្អ។ ខ្សែប្រយុទ្ធបានស៊ុតចូលដល់ទៅ ៧ គ្រាប់ ក្នុងការបង្ហាញខ្លួនតែ ៦ លើកប៉ុណ្ណោះ។ ក្នុងនោះ រាប់បញ្ចូលទាំង ២ គ្រាប់ដែល Silva ស៊ុតចូលលើក្លឹប Real Madrid យប់មិញផងដែរ៕
No comments:
Post a Comment